Transcription
1
Monsieur, j’ay reseu vostre letre du III de ce mois, et
2
depuis sele du V. Quant à ce que me mandés par
3
ma première, je ne vous an puis fère response par
4
letre, ce sera quant Dieu me fera la grace destre près
5
de vous, ce que je désire infinimant, mais ie suis
6
an grand peine de rosoudre ce que ie dois faire car
7
de demeurer ilia beoucoup d’ocasions qui y contrarient,
8
de man aller, le mavés tamps, la longueur du
9
chemin et mon incomodité my font beoucoup
10
panser, sans les dangés qui ce peut presanter sur
11
les chemins. Lon dit que monsieur le marechal
12
de Danville san ira bien tost. I haroit grande sureté
13
en sa compaignie, mais aussi, i ara ti grand troupe et
14
par consequant de mal logés et si ie craindrois
15
fort de demeurer par les chemins de lasitide, car ie ne
16
fis jamais trante lieus dune tire que ie ne me
17
trouvase bien las. Vray est que ie crois que la nesecité
18
feroit vertu. Monsieur d’Evènes et moy i aviserons,
19
Dieu veuille que ce soit pour le mieux. Iay remersié
20
tout seux de qui jay reseu plaisir le mieux que jay
21
peu. Mondit sieur d’Evènes an a fait de mesmes, tant
22
de sa part que de la miene auiourduy à monsieur
23
de Guise et luy a presanté vostre letre. Il i an avoit par
24
si devant remersié. Sest tout ce que vous puis
25
mander à presant, i apo[r]tant le bon portement de mon petit
26
nepveu et de toute sa bande, qui disnarent hier tous avec
27
nous. Pour fin, je me recommanderay très humblemant à
28
vostre boune grace, de madame de Gordes et du sur
29
plus de vostre petit peuple, priant Dieu quil vous doint
30
Monsieur, an santé très heureuse bonne vie et longue.
31
A Paris, le 15 7bre 1572
32
Vostre très humble et très obeisant
33
Frère à jamais de Simiane
34
Je ne say sy par si devant, ie vous ay escript
35
que un noumé Prouvansse, qui est d’Apt, a
36
ofert à prêter à monsieur d’Evènes sis cant
37
escus sol[eil], que iay pris, et mest veneu
38
bien à point, cat iay perdu chevaus et
39
hardes, ne mestant rien resté que chauses
40
et porpoint quainsi vestu, Dieu soit loué